Spartan Race 中文又名斯巴達勇士賽係一個跑山路碌泥將嘅障礙賽，點解咁貴又吸引咁多人參加原因係乜，就係D障礙夠特別夠挑戰性，完成獎牌又型，身邊又有朋友參與互相支持鼓勵一齊完成到終點，呢種感受你唔參加過係唔會明白呢種感受!! 無論你係咩身份，你都能夠成為Spartan, AROO AROO AROO📷
Spartan Race 由2016年11月開始在香港舉行第一埸比賽, 當時同事講好正, 又跳火坑, 碌泥辦好癲咁, 再研究下當中障礙係參考美軍海豹特撃隊, 即刻好想試, 一試就中左毒, 重要去其他國家玩! 去其他國家玩係有原因嘅，因為Spartan Race有不同長度及障礙，完成奬牌亦有多三份一塊牌吊住一齊，如果你一年內分別完成三個不同長度賽事，你就可以將三塊合體，就係好多人想要嘅三色獎牌(當然要同一年內完成，否則砌出黎係唔夾唔啱位📷)
Sprint 6k 20-23 obstacles Super 13k 24-29 obstacles Beast 21k 30-35 obstacles
其實唔夠喉的話亦有其他更長或更有耐力賽事📷
2016年膽粗粗單人匹馬玩下公開組，當然玩完樂在其中，完賽唔夠一個月Spartan Race好快又公佈4月再黎，即刻報名登記，跟住心郁郁想玩下其他國家長些距離賽事，咁又可以儲多個唔同色嘅牌，所以2017年5月選擇了新加坡參加Super公開組別賽事，13公里35個障礙，當時還未有朋友願意一齊參加，全程靠自己意志力去跑，印象最深刻係托住重過我嘅樹幹行了一個圈，托完成個人冇晒力(完賽後見到膊頭瘀晒) 即時要食gel補充體力，當中還有好幾個障礙未能完成，做左唔少burpees, 就當練體能吧，期間遇到其他参賽者，大家互相鼓勵，幫忙，一點也不孤單，這就是這個比賽的精神所在 如果你問我係咪要做到所有障礙先參加，我會答唔係，唔試就唔知真正做到幾多， 因為比賽過程可以吸收經驗鍛練自已，知道自己弱項，之後你會更加努力練習，一次比一次進步 以上就是衝出香港的第一個Super賽事，跟住之後係點，當然唔會俾佢停啦!! 下會再分享吧📷📷
留言