🗻富士10k特輯 比賽篇
比賽當日既朝早 6點幾起身準備
呢個鐘數既河口湖 無陽光又大霧
凍到牙都震 一度想講算啦不如😐
去到會場首先去全馬會場放低我爸爸 #佢跑全馬
我同爸爸都凍到痴肺 幸好附近Lawson有齊跑步用品
手套 頸套 冷帽 雨褸 暖包
最後買件雨褸就衝去10k個場到準備
由於我地條路線係跑馬路 基本上入河口湖的馬路都封左
想做定熱身既你 都有好大既場地做足熱身先上線
我就由全馬會場跑去10k會場當熱身
10k會場應該係參加者少 所以拉筋既位都多
全馬會場係影唔到富士山架
廁所都唔洗排好耐 #男廁尿兜係無門架😲
9點全馬開跑 10k會場既出發位置係最靚既跑攝影相位
本身朝早d霧 陽光一出就退晒 成個富士山睇晒 勁清
我等緊都唔見爸爸跑過🤪 最後幫其他參賽者影左幾張就收皮
原本諗住上定線排頭位 但係10k無Chip 都唔count時間
所以都係出返黎拍下片 #大家睇我跑住拍d震震片都頭暈啦😂
9:20 10k開跑 我先施施然行出去 仲搵呀媽放低埋件雨褸
其實頭5k全馬路 少少暗斜 全部都係影相位🤩
馬路既路段 基本上全部都睇到富士山🗻
去到d調頭位 就係離富士山最近 最大 最清既最佳影相位置
*睇下下面我既作品就知有幾靚
沿途旅館民居老人院公司 全部都派左d代表出黎見大家 #少少地
其實相對其他馬 呢隻馬既打氣氣氛都係少d
最勁係旅館既職員 係咁gogogo fighting 搖下旗仔又幾過癮
去到尾段入返河口湖 就開始見唔到富士山
跑個段公路以紅葉🍁為主 河口湖既紅葉景 附近既景點
可能呢段路比較悶 大會都安排左live band 學校管弦樂團 同太鼓既表演
跑到尾段再見到既補給已經係民間補給 #但係都係得一個兩個 #糖同能量飲品
去到最後再見到富士山其實就係衝線既路段
由於10k其實話長唔長 話短唔短
大會設計呢個路段俾參加者睇晒河口湖既美景 富士山既宏偉 #係靚既
總結：
富士10k都算係影相靚 又多平路既賽事
平時係車到經過好想落車影兩張相既地方
呢個10k就可以企係公路影到飽
但係少support 真心無其他馬拉松咁豐富
睇住相先...
下集我帶埋大家睇賽後精華片段 #follow我igfb啦
ig：Cytfany
fb：Ffany Ti
仲有更多運動心得，繼續follow我【_師奶少女Tiff_】啦~
Comments