相信好多運動女生都遇過同一個問題: 跑馬之前上鏡好睇，跑緊就要避鏡頭，跑完唔好黎搵我合照! 反面架! 成日跑友都會講既中槍，其實係跑賽中被跑賽攝影師影相(因為佢地通常會埋伏係唔同地方，務求影到跑者最自然既一面)。最自然亦都係最意料不及!!!!! 但係唔洗驚，Tiff妹係大廳! 經過多年反覆既嘗試，Tiff我有以下方法介紹俾大家。
一. 放慢步速，唔怕氣都促
如果大家有搵過中槍相，都有睇過其他人既中槍相，然後心諗點解可以咁靚，再望望自己.....無咩野我返出去先啦(哭奔~之後慢慢發現，多靚樣既好多都係後排參加者，有D仲擺晒pose。OMG那些年既我邊諗到跑步可以擺住pose黎跑，梗係衝啦! 原來，當你跑得慢D，everything in your control bae~ 包括你個樣同你隻手，都可以chok得起! #funrun就係咁簡單 #見到跑攝即chok樣
二. 戴起副超，唔怕眼超超
咁多年黎中槍既相話我知，即使再靚既靚女，跑起步隻眼一定變死魚! 眼係靈魂之窗嘛，眼無神啦啵，無論點chok都無用。由其是追緊pacing，唔通真係次次都要「回避過眼神，先偷偷喘氣」咩，但係事後都總會後悔.....
所以，最有效既物理方法就係戴上運動太陽眼鏡，一鏡遮晒D醜。你只要準備好手勢同笑容，搞掂! #有超頂住幾時影都得 #放馬過黎imready!
三. 自然妝容，唔怕面青青
戴超對我黎講可以話係一次過解決晒所有問題! 但係戴左超唔見樣，有時都幾upset。雖則化住妝跑步，對皮膚有一定既傷害，同埋揀唔岩化妝品，好容易跑賽後就真係要戴返副超走。(起步係女神，返黎變熊貓)
我定義既自然妝容: 眉、眼線、少量遮瑕唔少得。因為我天生眉毛淺色，唔畫眉上鏡真係武則天咁(無眉娘嗚呀)。產品我會選擇防水、防暈染。
Etude House既Tint my 4-tip brow都出左一後時間，我中意佢防水既能力，跑完步都仲見到條眉。筆頭好似叉咁，好容易就可以畫到幼細像真既眉毛。
防水眼妝我會揀眼線液。Kiko Summer 2.0 Eye Maker，筆觸較粗，筆頭較硬身，容易畫出一條粗幼適中的眼線。Dejavu柔軟毛筆型眼線液，毛筆型，筆尖幼細，想粗又得，幼都得! 新手我建議用Kiko，容易控制啲。有化開妝就會知dejavu幼筆頭既好處，畫錯左都可以慢慢buildup返個靚形狀，手定啲既人都推薦。
出左新既blog講眼妝同實測，唔係唔睇呀嘛
任選以上三項，包你中槍中得漂亮，跑前跑後同一個人樣，仲會十分享受搵相既過程添。#跑場上見 #girlpower #不怕失敗
仲有更多運動心得，繼續follow我【_師奶少女Tiff_】啦~
Comentários