又到年尾，又係香港樂壇派成績表的時候。當然唔關我事，咁做咩要講啊？純粹是這下半年練了很多長課，又跑了初馬，想起陪我度過這些日子的一些歌曲，便想和大家分享一下。
寫到呢到，一定有人想留言，「跑步唔好聽歌呀」、「聽歌好危險嫁」、「你又教壞人」，但我認為，大家自己衡量吧。你可以選擇只戴一邊耳機，亦可以在較少交通燈或遠離馬路的地方時才聽歌，小心安全就可以了。
第五位：青春頌
有一句歌詞我特別喜歡：
「這段少年時間 既然昂貴 大好青春要盡耗」
珍惜你有的青春，因為真的「你的青春小鳥一去不回來」。喜歡的事盡力做，有目標的話盡力去衝，不要浪費了這段可以跌跌撞撞、跌倒便馬上再來過的時期。
第四位：也許我不會活多一歲
「不會 我不會空等
做個蠢人 也沒不忿
每道裂痕 裂入我心懲罰
都想不枉此生
我只有堅持 這畢生缺陷
就算哭也是奢侈的放任
痛苦烙印 有幾個知音在共振」
Dear Jane在其中一個訪問中提及，呢首歌的意思：
「當你只得一年壽命嘅話，你到底會點樣過呢？你會放棄等死？定係你只有一年命或者只係得一日命，你都會珍惜每一刻去做更多嘅事呢？《也許我不會活多一歲》就係要話畀你知，你做嘅每一件事都係有影響力，一個人最無影響力嘅時候就係你乜都唔做嘅時候。」
想偷懶、想放棄的時候，我會問自己，如果明天就無得再跑步，我會點對待呢次訓練或比賽呢？每次問完自己，我就知道我必須珍惜每次機會，不要枉過這一生。
第三位：沙燕之歌
「願你知每步每步和誰奮鬥
別再憂未能動搖命運之手
若結果偏不如意始終無悔
拚命過去追求」
點五步的主題曲，呢首歌好適合係一班人一齊努力的時候聽，大家一齊奮鬥，一齊向住目標跑。只要當中盡了力，就算結果未必滿意，但已無悔。
第二位：T.O.N.I.C.K
唔知仲有幾多人識得呢首歌，係TONICK初初出道，仲需要周圍話比人地知佢地隊Band叫咩名的時候，感受最深的一首歌。
「傻 得夠快活有貨熱血錯又怕咩woh
我 信個世界無野難到我
就算傻 好過怨地怨天呢係屋企齋HEA白過
最尾怕咩無結果 起碼我做過」
好多人見我日跑夜跑，去旅行又跑，落雨又跑，烈陽又跑，得幾度都跑，問我係咪傻嫁？
其實就只是我很喜歡跑步，便想一直跑，想進步，便愈跑愈多。只要是喜歡的事，想做就去做啦！點解要理人點睇？
第一位：無盡
「踏上這無盡旅途 過去飄散消散失散花火
重燃起 重燃點起鼓舞
或許到最後沒有完美句號 仍然倔強冒險一一去征討」
一首追夢的歌，相信大家都不會陌生。呢一年慢慢地完成自己幾個小目標，想跑匀全世界，4月去了台北跑女子半馬，然後11月到神户完成了初馬。記得全馬跑到20公里時，剛好聽到呢首歌，有小小想喊。當時覺得難以置信，一些從沒想過會做的事，我竟然在做了。
真的，或許最後未必會是好結果，但最緊要是實行了，無論結果如何，都是無悔。
而這一年，你們最喜歡的歌，又是哪一首呢？
圖片擷自 KKBOX
Comentários