top of page

運動迷思#3《健身教練唔可以食零食嫁!》

自從多咗健身教練呢個朵,我就覺得自己多咗好多偶像包袱…同fd食飯話想食薯條,佢好驚訝話你食炸野!!!有一日去超市買咗包Tortillas,撞到fd!又串我食薯片,但我要澄清返Tortillas係粟米片唔係薯片想飲杯珍珠奶茶又俾人話你唔驚肥嫁?我好大壓力喎!咩都唔食得,唔通真係要練仙咩! 過重或過輕都唔健康,都係長期不良嘅生活同飲食習慣所導致鍾意食零食導致卡路里超標,呢個不良飲食習慣會導致肥胖每日過量運動,肌肉無足夠時間復原同休息都會影響肌肉生長,練極都無效果特別係減肥成日有人話Cheat day,但唔代表可以亂食嘢一個禮拜食兩三塊薯片,朋友聚餐(當然唔係日日啦!)食一兩塊pizza幾條薯條真係唔過份!你想減肥,唔會因為一日無做運動或者食一塊pizza而肥十磅你想要腹肌,唔會因為你今日做咗十下Crunch就會爆六舊腹肌出黎 有人可能覺得我又講廢話…但正確觀念好重要!唔通你想減肥,我叫你餐餐食麥片食到生無可戀,日日跑30K跑到膝頭痛就係對身體好咩?做運動唔單止係身體上嘅鍛鍊仲係精神上嘅修行,無論你嘅目標係增肌定減肥,改變飲食同運動習慣係一定要,啱啱開始係會辛苦嫁!俾少少堅持啦!一定會有你滿意嘅效果!加油!

留言

最新文章

查看全部

Work-life Balance

其實點至可以做到工作同生活平衡?呢個世界最公平踲嘢就係每個人一日都有24小時.你會點樣去分配同善用24小時?訓覺?返工?打機?煲劇?食飯?行街?旅行?拍拖? 香港打工仔OT當飯食,收工又好放假都好仲要俾公司或者客戶WhatsApp同Email轟炸,仲慘過OT…返工已經好攰,...

運動迷思#5《健身程度》

想澄清返《健身BB訓練計劃》系列呢個名唔係我扮可愛所以叫BB!每個人開始接觸新事物都係由零開始,好似健身咁,由BB班開始先學習正確姿勢,清楚明白點樣去正確發力去完成一個動作,練好基本功再加weight或 advanced動作,例如squat,最基礎可以用fit...

運動迷思#4《黎緊M做唔做得運動?》

呢個我已經俾人問一百萬次問題:黎緊M做唔做得運動?我都會答:睇個人身體狀況 有D女仔無M痛又黎得好順暢嘅話, 咁我真係恭喜你呀!做一D低強度運動,例如Yoga,慢跑,拉筋等,唔單只可以改善生理期全身性水腫問題,人都開心D!但有D女仔(好似我咁)...

Comments

＃ HeyGirls! 女子運動課程 ＃

      ＃ HeyGirls! 女子公開活動 ＃

      ＃ HeyGirls! 女生運動用品 ＃

      ＃ HeyGirls! 最新活動資訊 ＃

      bottom of page