有一日有位爸爸學生話自己個女好懶,成日都訓係床度玩電話唔郁,想佢跟我做運動,覺得大家係女仔應該會好相處D,咁有一日佢就迫個女一齊黎上堂,第一眼見到妹妹就覺得佢好白好瘦,係瘦到營養不良,大風D都吹得走個種瘦,咁我就問下佢運動習慣之類嘅嘢,佢話自己係零運動加上返學無PE堂,佢都好老實話好憎做運動,淨係鍾意煲劇,都係爸爸迫佢至會黎,咁我都好多謝佢咁誠實…開始做運動個陣都OK嘅,都會盡量做,不過到休息時間佢就唔係好想完囉…落咗堂我都feel到爸爸躁底覺得個女有d hea,我就話其實想健康D做運動唔一定要做gym操機或者HIIT,我叫囡囡試下yoga,跳舞,打波咩都好,試多D唔同嘅運動一定會搵到自己鍾意興趣,唔好話係你地!就算係我都會有唔鐘意嘅嘢...特別weight train...每次練我都生不如死後記,聽聞妹妹而家同朋友仔一齊學緊yoga所以話!你唔係憎做運動,只係未搵到自己鍾意做嘅運動
Comentarios